阿母个話

台語注音符號練習

        置玆提供幾項子無共體裁个資料，給伊分類予大家練習。因為目前網頁上採用橫式大字个注音，所佔空間真大，所以實際注起去个部份無濟。多數攏欲留予大家來發揮了！
        目前應用練習內容分為：小學課文﹑佛教經偈﹑阿母个話﹑台灣謎猜﹑台灣歌詩﹑漢字辨正佮推理分析等七大項。
                                                阿母个話

                 任何一個民族攏有个俗語，匯集了自己先民一脈相傳的智慧結晶。台灣置四﹑五十年前，大入講話个時陣，定定會真自然說出一兩句子俗語出來，貼切描述當場情境內，所欲表達个意思。真是幸運，阮阿母即久（現在）抑（還）擱有這個習慣。無意間置相當的情境下，珍貴个台灣俗語著出嘴了。

               過去，我抑未注意著家己母語前途个時，予流失未少俗語去。即馬，大家置這所看著个，攏是我親耳位阮阿依丫（對母親的叫法）遐（那裡）聽來个。置即馬市面上个書內底，無一定看會著哦！

              為著充實本節內容，另外位民間流傳个台灣俗語內，選擇一寡精彩个，提供大家參考。

一﹑阿母个話（阿母親身講過个台灣俗語）

1.圓人會扁，扁人會圓。

2..有時星光，有時月光。

3.有風，不通（ㄇ   ㄊㄤ）駛盡帆。

     以上三句俗語，是先民置人生看透透了後，知也（知道）人生海

     海，有時好有時歹，勸人得意的時陣，愛為簡單事物留下一席之地。

4.生雞卵个無，放雞屎个有。

   這句俗語真通俗，假使汝若不捌（曾）聽過，著真俗（ㄙˇ）哦！

5.近的拿（ㄊㄝ）燈蕊，遠的拿秤錘。

6.做豬著（要）食潘，做媽著育（ㄧ）孫。

7.寬（ㄎㄨ）時物，急時用 。

   厝內若有物件目前用未著个，不通黑白丟（ㄉㄢ），有時陣擱用

   著。早期个台灣物資缺乏，所以早著有這款資源回收个概念。

8.春濛曝死鬼，夏濛做大水。

   這條誠準哦！

9.冬至（ㄗㄨㄝ）置月中央，無寒擱無霜；冬至置月末，欲寒正﹑二

   月。舊年（庚辰年）著是安呢，汝看新年个正﹑二月敢有寒？若無，

   可能溫室效應真明顯了。

10.人情逮到（ㄍㄚˋ）到，會無鼎佮無灶。

11.伸勻若伸獅， 大無人知。

     伸勻（ㄘㄨㄣ   ㄨㄣˇ→ㄘㄨㄣ    ㄌㄨㄣˇ）（伸腰），大
    （長得很快）。

12.一人放（ㄎㄥ），百人尋（ㄘㄜ）。

    指平日須養成物件用好，物歸原處个習慣。

13.世間情理會跋倒人。

14.天地圓輪輪（ㄌㄧㄣ  ㄌㄧㄣ），串餓，餓單（ㄉㄨ）身。

      莫怪人講，有錢無錢，娶一個某好過年，安呢著未餓著了。

15.一好佮一礙，無兩好來相排。

      天下事難得十全十美，自古著安呢了。

16.歹瓷禁磕，好瓷脆納納。

                       禁磕（ㄍㄧㄇ   ㄎ），會堪ㄝ摔个意思。脆納納
                （ㄌ ㄌ） ，是形容真脆个款。這句俗語包 含真深个人
                生哲理。表面看起來，是講好个瓷子（瓷器）稍寡磕一下著破
                ，歹个瓷子加（ㄎㄚˋ）耐磕。但伊个真正涵意是，有時丫納納
                磕磕（久年病痛）个人，顛倒比一世人真少破病个人活加久。

         17.九月狗若（ㄋㄚˋ）日，十月日生翅，頇顢查某理未直，頭鬃挂壁

              极。過了中秋時節，日時漸漸短了，腳手加慢个查某人，欲處理一工

             的空去（工作），看起來手忙腳亂。

       18.嘴飽目不飽，好物不脹巧（ㄎㄚˋ）。

          食物食抵好著好，人食飽了後，擱加好个物件也無好食了。

       19. 人在（ㄌㄝˋ）做，天在看。

             這是警惕大家，為人處事莫欺心。這句話，一般是為別人打抱不平說

              个。

       20.巧的食戇的，戇的食天食地。

              巧（ㄎㄧㄠˋ）个，指心性鬼精，愛佔人便宜个人。戇个，指忠厚

              老實，未曉計較个人。

       21.生个撥置邊，養个功勞加（ㄎㄚˋ）大天。

            生而不養，遠不如苦心扶養長大个人恩情大。 

    22.苦旱天，假雨意。

     大苦旱个時陣，明明看ㄝ天頂罩黑雲，雨強欲滴落來了，隔一下子，
     著閣縮去。這是目前台灣苦旱，阿母看著天氣个實況，順嘴講出來个
     俗語。2002/6/29
23.歹大人不是歹囝子。      
     咱抵著囝子不受教个時陣，會氣到（ㄍㄚˋ）噗噗跳，不過若給想倒
     返來，會發現囝子行為會偏差，佮大人無做好模樣，有密切關係。想
     著成十年前，台北市政府推行等公車排隊，無法度成功；中秋節後風
     景點个畚屑堆積如山，亦勞煩當時咱的行政院院長夫人，出面呼籲百
      姓：「莫予嫦娥笑咱骯髒。」彼久，我上直接的反應著是：咱的百
      姓，若會這呢無水準？
      自從阿扁子入主台北市政府了後，人人攏養成戴安全帽个習慣，而
      且淡水河也清了，捷運人人自動排隊上車，…我才了解：不是百姓
      無水準，是彼時的政府無能！所以講「歹大人，不是歹囝子。」 

   24.無哩苦，有哩擼。（以前）

         無囝子的人，求子心切真艱苦。但是有子个人，教督个時費神，感覺

        真是會擼死。

   25.會好好家己，未好好兄弟。2002/11/26       

       人若是發展，著佮兄弟無關。但是抵著困難的時陣，欲尋幫忙著兄弟

       加好了，這是一般的人情啦。

   26..看對頭，無咧看門樓。2002/11/26

          今子日，陪阿母去清水海風里山頂阿姑 兜，談到表妹選擇對象的

         情形，阿姑著講出這句俗語。查某囝子欲嫁翁，看對象上重要的是看

         有緣無，不是咧看 兜有好額否。有的嫁散赤人，日後變好額（富

         有），有人嫁好額的，以後變散赤。這著是圓人會扁，扁人會圓的意

         思。

   27.有穿，置个（ㄝ）身咧；有食，置个（ㄝ）面咧。2002/12/10

        前幾工子个中晝，阿母置陽台看著茉草，葉子發到青跳跳，有感而發

       講出這句俗語。有人送伊一粒破孔个卵，伊給沃落茉草，無幾工著者

       呢水了（沒幾天就這麼美了）。     註：置，表現在…个意思。咧，語

       助詞。                             

 28.閹雞咧趁鳳飛。

        閹雞體形比較加大，以為佮鳳共款，引伸為人不自量力。

   29.一暝無眠，三暝補未盡。

        一暗歸暝無睏，體力不繼，著是連睏三暝，也是補未起來。

   30.頂厝人教子，下厝人子乖。

         頂厝个人咧教示子兒，下厝的囝子著會想著家己不通犯共款个錯，才

         未予人扑（打）安呢才是巧囝子。

   31.好歹粿，著會甜；好歹查某，著會生。（92/2/18）

        粿，不論好歹，著愛會甜；查某，不管好歹，上重要个著愛會生

   32.林四舍食，林四舍睏，無林四舍个齊勻。

          名叫林四个阿舍（古早對好額人个稱呼），睏，晚起，食，真好，

          一般人是逮未著个（趕不上）。但是三不五時子（ㄚ）出國享受
          住五星級的旅館，也有時子（ㄚ）睏晚起，食真好，但是著無法
           度通參像林四舍逐工安呢。這個典故个出處是：有一位名叫林四
          个阿舍，坐三輪車經過菜市子，看著菜販子咧賣新出个苦瓜，問
          著價數傷貴不敢買，但是車伕給買，看在阿舍个眼內，真不以為然
          ，脫口著講出這句話。這是阮阿母十幾歲子的時陣，親耳聽阮外查
          某祖講个。（92/3/24）

       二﹑台灣俗語精選 

       1.千金買厝，萬金買厝邊。

          里仁為美，敦親睦鄰，守望相助，全靠厝邊。

       2.戲棚下（ㄎㄚ）是踦（站）久的人的（ㄝˇ）。 

          戲才開始搬个時陣，人山人海，連欲尋一跡通踦都無，但是踦久腳會

          痠，欲偎散場个時，戲棚下个人賸無幾個，埕攏空空，位著隨在汝選

         囉。這句話，一般被引伸為：江山是命長个人个。 

3.坐予（ㄏㄛ ）正正，加會得人疼。

   囝子人，若是坐个姿勢，歪歪斜斜，抑是倒倒踦踦，行到佗躺到佗，

  序大人攏會用這句俗語來教示伊。