台語呼音

第五篇  台語呼音

第一節 語音成分符號

      咱分析每一個漢字的台語語音，可以分做「聲母」﹑「韻母」﹑「聲調」三部份。呼音著是愛誠技巧的，給這三部份密接呼起來，成為正確的語音。

     「韻母」上完整的形式，還可以分做「介音」﹑「主要元音」﹑「韻尾」。所以，一個上完整的字音，可能具備聲母﹑介音﹑主要元音﹑韻尾佮聲調等五種成分。今以「傳」﹑「想」這兩字為例，說明如下：

             聲母   介音   主要元音   韻尾   聲調

傳     ㄊ       ㄨ          ㄚ          ㄣ       ˇ   （ㄊㄨㄢˇ）

想     ㄒ       ㄧ         ㄛ            ㄥ      ˋ   （ㄒㄧˋ）

      但並非每個漢字，攏有者呢完整个結構。這五種成分，只有主要元音佮聲調，是每個字音內不可或缺个。不過，置ㄗㄘㄙ三個聲母單獨注音个時，省略了「帀」韻母。還有ㄚㄛㄜㄝ帀ㄣㄥㄇ等單韻母，單獨注音个時，者（ㄐㄧㄞ）也（ㄇㄚ）攏是主要元音。

                                 第二節 呼音方法

        呼音个時陣，欲給聲母佮韻母合（ㄍˋ）做一個音節，必須把握兩個要訣：第一是聲母應該照符號个音值來讀，亦著是愛給為了加強響度，附加起个元音成分去掉。譬如呼ㄅㄚ个時，ㄅ个發音只限置雙唇輕輕接觸个純塞音，不可唸做ㄅㄜ。第二是呼音个時，聲母佮韻母中間未使有絲毫个停頓分隔，必須快速呼合成一個音節。

        原則上呼音的時，韻母佮聲調可以先合好，才佮聲母呼讀。若是結合韻母，應該看做一個單位，先給介音﹑主要元音﹑韻尾合予正確，配上聲調，才佮聲母呼讀。比如「能」字个呼音法是安呢：

   ㄥˇ → ㄧㄥˇ→ ㄌ˙ㄧㄥˇ → ㄌㄧㄥˇ。

 如果不論七個聲調，只根據注音符號數目个濟少，咱會使佮呼音方法分做下面三種：

一﹑單呼法

（一）單用聲母：ㄗ﹑ㄘ﹑ㄙ三個聲母，注音時伊个「帀」韻省略免寫，只注聲母符號而已。如：書 ㄗ﹑ 次 ㄘ﹑ 師 ㄙ …等。

（二）單用韻母：有單一音素个，也有兩個音素个，但符號是單一个，也可以單獨注音。如：阿 ㄚ ﹑ 黑 ㄛ﹑ 堝 ㄜ﹑ 圓ˇ﹑ 益﹑ 安ㄢ…等。

二﹑雙呼法

（一）一個聲母佮一個韻母相合：褒 ㄅ﹑ 甜 ㄉ﹑ 知 ㄗㄞ﹑ 答 ㄉ …等。

（二）結合韻母的呼音：野 ㄧㄚˋ﹑碗 ㄨˋ﹑緣 ㄧㄢˇ﹑ 越 ㄨ …等。

三﹑三呼法

 著是用三個注音符號來呼音个方式，伊必須用一個聲母佮結合韻母呼起來。如：

秋 ㄑㄧㄨ﹑ 餅ㄅㄧˋ﹑寬ㄎㄨㄢ﹑ 熱 ㄌㄧˊ…等。

第三節 呼音條例

 台語个呼音成分是「聲母」﹑「韻母」佮「聲調」。但並非任何一個聲母，攏會用ㄝ佮每一個韻母（包括結合韻母）相合呼音。著是會用ㄝ呼出來个部份，也非七個聲調攏可呼成音節。所以台語个呼音現象，應該可以細心歸納一寡條例出來。關於這項，內容相當濟，拙作「台語呼音法」一書，有附呼音表，但是佇著省略。