推理分析

台語注音符號練習

 佇玆提供幾項子無共體裁个資料，給伊分類予大家練習。因為目前網頁上採用橫式大字个注音，所佔空間真大，所以實際注起去个部份無濟。多數攏欲留予大家來發揮了！

 目前應用練習內容分為：小學課文﹑佛教經偈﹑阿母个話﹑台灣謎猜﹑台灣歌詩﹑漢字辨正佮推理分析等七大項。

推理分析

 推理分析，也著是咱所知个邏輯（logic）。伊是關係著國人獨立思考能力訓練个一門學科。目前咱台灣政治氣候詭譎多變，強欲予人無法度通適應。國人講起來也真可憐，一寡置西方根本都未當生存个政治人物，竟然會用ㄝ放言高論，不可一世！這著是咱國有一大陣未曉思考个大眾，予這寡親像民主政治這叢大樹个蛀蟲～未曉見笑个政客找著溫床。

 幾若年前，同事拿一份刊物予我看，面頂有一篇探討國內數學教育个文章：「老中的數學真正比老美強真濟是不？」作者賴平平先生置文中提起，美國的國民義務教育，位幼稚園大班起，數學著分「數學運算」佮「數學觀念」。等到小學二年級，閣加上「推理分析」能力个訓練。並且舉出二年个佮五﹑六年的，學校推理分析个題目各一題。我看了感覺誠有意思，隨去重慶南路書店，想欲買這類个書返來，通予厝內个囝子試看覓， 一定宛若會感覺真心適。無想著歸條路攏尋無這款書，我就趕緊央託親人位美國買看有个課本否。結果課本買無，阮阿叔趁返來台灣个時，替我買

                     LOGIC,ANYONE？﹑

                     Logic﹑
                           Problem Solving and Logic﹑
                           Great MATH STORIES等四本返來。我馬上著手用台語翻譯二﹑三十篇，予囝子練習，果然無錯，小學生真愛接受這款挑戰。

 人講食好鬥相報，我隨有一個想法：若是欲位數學教育課程網要去變革，彼是遠水救不了近火。所以，國內學者若肯屈身寫作﹑出版界又閣肯挺身出版這種書籍，先予青少年做課外讀物，也（ㄇㄚ）通（ㄊㄤ）彌補正規教育全無推理分析訓練課程設計的缺憾。

 置某種場合，我接觸過大學數學系教授佮出版社，結果無人願意寫，也無人願意出版！我抑咧等待，有一工咱有使命感強列的人士出面，共同促成這層美事。

 我將頂面所講的兩條題目，轉載住（ㄉㄨㄚˋ）者（ㄐㄧㄚ）予大家參考：

電視節目（國小二年級）

 春玉﹑秋香﹑小惠佮秀美四位查某囝子，攏有 家己愛看的電視節目。有關醫生的﹑有關警察的﹑美國西部片抑是科幻片。請利用下面提供的線索，尋出 各人所特別合（ㄍㄚˋ）意的電視節目。

1.春玉無愛馬。

2.小惠無合意牛仔，也無合意私家偵探。

3.秋香無欣賞山，也無愛佮壞人有關的故事。

4.秋香佮彼個合意醫生故事的查某囝子無共班。

囝子佮的貓（適合國小五﹑六年級程度好的學生）

大樹﹑阿火﹑美惠佮玉梅 四個人，有姓王﹑姓林﹑姓李佮姓蔡。 各人攏有飼一隻貓，這四隻貓的毛色分別是黑色﹑灰（ㄆㄨ）色﹑白色佮黃色。貓的名分別號做小花﹑小美﹑小福佮小強。請運用下面六個線索，尋出這四個囝子 的姓﹑ 飼的貓的毛色佮名稱。

1.姓蔡的囝子有一隻黃貓。

2.小強的小主人，既不是姓王，也不是叫玉梅，而且伊也無一隻灰

   貓。

3.大樹佮姓林的囝子的貓，攏是短毛的；不過，阿火佮姓李的囝子

   的貓攏是長毛的。

4.美惠的貓不是叫做小美，也不是灰色的。

5.小美佮灰貓的毛攏是短的。

6.阿火的貓不是白的也不是黃的，而且也不是呼做小花。

 抑閣有一個題目也真精彩，這是置一位中國某大學哲學教授的著作內看著的，雄雄煞想未起來伊的姓名，真是歹勢。

汝頭殼頂戴的是佗（ㄉ）一色的帽子（ㄚˋ）？

 有甲﹑乙﹑丙三個學生，前後排做一列縱隊。老師拿（ㄊㄝ）來五頂帽子，帽子的色彩是兩頂紅的﹑三頂白的。老師先叫三個學生目珠（ㄐㄧㄨ）合（ㄏ）起來，每人給（ㄍㄚ）戴（ㄉㄧˋ）一頂帽子，剩（ㄒㄧㄣ）下（ㄝ）兩頂蓋（ㄎ）起來，莫（ㄇㄞˋ）予（ㄏㄛ） 看著，才叫 目珠扒開。

老師先問上後壁彼個學生丙：

「汝知也汝戴（ㄉㄧ）的帽子是佗一色不？」

丙看了頭前兩位同學頭殼頂的帽以後著講：

「我不（ㄇ）知。」續落﹝接著的意思﹞老師閣問中央彼個乙：「汝敢知也汝戴的帽子是佗一色？」乙已經看著頭前甲戴的帽子是什麼色，閣聽著丙應（ㄧㄣˋ）不知，也是搖頭講不知。甲聽著後面兩人攏應不知的時，隨應聲講：

「我頭頂的帽子是白色的！」

 請問大家，伊是按怎推理分析出來的？ 

下面我閣提供家己翻譯的作品一則，予大家參考：

收集

 阿滿﹑阿祥﹑阿薇佮阿興四個人，每人攏有兩項合意的興趣，包括各種收集。這寡收集是貝殼﹑郵票﹑棒球卡片﹑銅錢子﹑連環圖畫﹑布尪子﹑小昆蟲佮岩石標本。已經知也無兩個囝子是收集共款的，請位下面七項訊息，尋出每個囝子 合意的兩項興趣。

1.阿滿攏是置外口尋著伊的兩項收集物件。

2.阿祥的朋友以收集郵票為樂。

3.阿興的朋友內面，有一位真愛收集銅錢子。

4.收集連環圖畫的人，不收集棒球卡片。

5.阿興的興趣之一，包括大量的閱讀。

6.阿祥 的厝有一間置海邊，這對伊的一種收集真有幫助。

7.查某囝子內面，有一個收集布尪子。

  以上所載的推理分析題目，答案附置本網頁上後面。大家若有認同我這款想法，希望共同扑拚。因緣若早一日成熟，咱的囝子著會當（能夠的意思）置書店買著這種書，對 的判斷能力﹑分析能力的培養，加減有淡薄子幫助。日後成為社會中堅份子的時，頭腦清楚。消極方面，咱的國民才未容易予政客黑白煽動；積極方面，教育佮政治會產生良性互動，通早日建造一個有公理的社會。

答案：電視節目

秋香愛看科幻片，秀美愛看西部片，春玉愛看警察片，小惠愛

看醫生片。

囝子佮的貓

蔡大樹飼一隻黃貓叫小美，王阿火飼一隻黑貓叫小福，李美

惠飼一隻白貓叫小強，林玉梅飼一隻灰貓叫小花。

汝頭殼頂戴的是佗（ㄉ）一色的帽子（ㄚˋ）？ （略）

收集

       阿祥上合意的兩項興趣是：收集貝殼﹑銅錢子。

阿滿上合意的兩項興趣是：收集小昆蟲﹑岩石標本。

阿薇上合意的兩項興趣是：收集棒球卡片﹑布尪子。

阿興上合意的兩項興趣是：收集郵票﹑連環圖畫。
請善於運用矩陣邏輯解題（以收集為例）

	阿 祥	阿 滿	阿 薇	阿     興
貝殼	ˇ	×	×	×
郵票	×
棒球卡片
銅錢子				×
連環圖畫	×	×	×	ˇ
布尪子
小昆蟲
岩石標本